mail-e-raqs-e-sharar baithe hain
kar ke tufan pe nazar baithe hain

wo jo ba-dida-e-tar baithe hain
ranj-o-alam se dar baithe hain

ab to jal jaana hi hoga behtar
dosti shama se kar baithe hain

dard ki raat kathin hai lekin
le ke ummid-e-sahar baithe hain

gham ke tufan ko sadaf mein tan kar
hum ba-andaz-e-guhar baithe hain

zindagi dhaal bane ya na bane
maut se sina-sipar baithe hain