main aalam-e-imkan mein jise dhundh raha hun wo puchh raha hai ki kise dhundh raha hun mazi ke bayaban mein jo gum ho gaya mujh se main haal ke jangal mein use dhundh raha hun go pesh-e-nazar ek tamasha hai wa-lekin ai wajh-e-tamasha main tujhe dhundh raha hun tu hath jo aata nahin is ka hai sabab kya shayad main tujhe tujh se pare dhundh raha hun chhina tha jise subh-e-gurezan ki chamak ne us lamhe ko ab sham dhale dhundh raha hun har ek se jo kahta hon kahin 'arsh' ko dhundo kyun apne bahane main use dhundh raha hun