main jis ka muntazir hun wo manzar pukar le
shayad nikal ke jism se bahar pukar le

main le raha hun jaeza har ek lahar ka
kya jaane kab ye mujh ko samundar pukar le

sadiyon ke darmiyan hun main bhi to ek sadi
ek bar mujh ko apna samajh kar pukar le

main phir raha hun shahr mein sadkon pe ghaaliban
aawaz de ke mujh ko mera ghar pukar le

shishe ki tarah waqt ke hathon mein hun hanuz
kab jaane hadsat ka patthar pukar le

wo lamha jis ki zehn-e-'saba' ko talash hai
rone ke ehtimam mein hans kar pukar le