main khak hun so yahi tajraba raha hai mujhe
wo shakl-e-nau ke liye raundta raha hai mujhe

use jo chahiye main hun usi ke jaisa koi
wo mere jaise ki zid mein ganwa raha hai mujhe

main wo hi khwab-e-sahar jo fuzul tha din-bhar
tawil shab main magar dekha ja raha hai mujhe

idhar ye farda khafa hai mere taghaful se
udhar khulus se mazi bula raha hai mujhe

yahi nahin ki main na-mutmain hun duniya se
mera wajud bhi ek masala raha hai mujhe