main khushamad ke saeban mein tha
ek na-ashna aman mein tha

wo hawaon ke jal bunta raha
aur main bhi kisi udan mein tha

lafz-o-mani mein kyon ulajhte ho
ye to socho wo kis ke dhyan mein tha

tujh se bachhda magar yaqin na kiya
ye agarche mere guman mein tha

khauf-e-diwar-o-dar mein palta raha
main wo be-ghar tha jo makan mein tha

ham-nashin gham-zada hue 'manzar'
soz aisa tere bayan mein tha