main mutmain na tha kirdar se kahani mein
so apni umr guzarne di raegani mein

bilad-e-haal sajaya hai ku-e-rafta mein
main apne pesh-rawon ki hun tarjumani mein

ye kya ki baitha hai dariya kinar-e-dariya par
main aaj bahta hua ja raha hun pani mein

han aakhirash abad-e-ishtirak-e-khak mila
go hum rahe safar-e-asman-e-fani mein

ye sher-e-zar sukhan-e-be-asar ki marqad hai
so kaise soz ujagar ho naghma-khwani mein