main rang birangi morni mere pankh bahut mumtaz
mera raqs anokha raqs hai mujhe apne aap pe naz

main sabz ruton ki raazdan main patjhad ki hamdard
main apni aap misal hun mera ek juda andaz

main dhani sham ka rup bhi main subh ki komal dhup
mujhe dekh ke koyal gae to har pat bajae saz

main mast alast faqirni nachungi tere dwar
meri chhatri ban ja saiyan mujhe apna ishq nawaz

main waris shah ki hir hun mere rup hain ek hazar
mera nam 'shumama' ufuq hai mahkaron ki aawaz