main uljha hun bahut hi apni jaan se mujhe fursat nahin hai is makan se zamin par jaise bhi hun pur-sukun hun pukaro mat mujhe tum aasman se ye sauda nur ka hai nur hi se ai mere jism hat ja darmiyan se bharam mujh se hi qaem hai tumhaara uthun gar main tumhaare aastan se na jao aagahi ki kokh mein tum koi lauta nahin ab tak wahan se meri wahshat meri rahat yahi hai nikalo mat mujhe is khak-dan se