main ne jo kuchh kho diya ab is ko pa sakta nahin dil se ye ehsas bhi lekin mita sakta nahin wo kanar-e-ab baithe chand ugte dekhna jhil ki tah se wo manzar ab uga sakta nahin sab dar-o-diwar us ke lams ke maqruz hain apne ghar se us ki taswiren mita sakta nahin mat milo is se tumhaari baat main ne man li us ke gham mein chaar aansu bhi baha sakta nahin shahar-bhar mein phul ki chadar bichhana hai mujhe apne shahzadon ko kanton par chala sakta nahin kuchh banana chahta hun aur ban jata hai kuchh main khud apne ghar ko naqshe se mila sakta nahin