main ne tujh ko khoya tha main ne tujh ko paya hai
wo bhi ek dhoka tha ye bhi ek dhoka hai

baithe shish-mahlon mein tum samajh na paoge
khar kaise panw mein dard ban ke chubhta hai

dur ho nigahon se pas ho rag-e-jaan ke
dil ka dil se rishta hai is mein moajiza kya hai

asl zindagi hai kya kya khule ki tum ne to
sans ki kasauti par zindagi ko parkha hai

khun aarzuon ka ghul gaya na ho 'sharqi'
subh-e-nau ke mathe par ahmarin ujala hai