makan se la-makan hote hue bhi
kahan hum hain kahan hote hue bhi

bahut kuchh ab bhi baqi hai zamin par
bahut kuchh raegan hote hue bhi

sire se hum hi ghaeb ho gae hain
sabhi ke darmiyan hote hue bhi

bhanwar ki samt badhti ja rahi hai
ye kashti baadban hote hue

bahut hi mukhtasar hote gae hain
mukammal dastan hote hue bhi

bahut ghate mein hai urdu zaban kyon
mohabbat ki zaban hote hue bhi