apne pas-manzar mein manzar bolte
chikhte diwar-o-dar ghar bolte

kuchh to khulta majra-e-qatl-o-khun
chadh ke auj-e-dar pe sar bolte

maslahat thi koi wo chup the agar
bolne wale to khul kar bolte

jo tilism-e-azari mein band the
wo sanam patthar ke kyun kar bolte

bah gaya ashkon ka sail-e-khun kahan
khushk aankhon ke samundar bolte

na-shanasan-e-sukhan ki bazm mein
bolte to kya sukhnawar bolte