markaz-e-harf takallum tha bayan tak na hua
ek tera zikr tha jo meri zaban tak na hua

shauq-e-parwaz mein par tut gae tair ke
wo yaqin tha ki mere dil ko guman tak na hua

kya ajab turfa-tamasha hai teri basti mein
main ne ek umr guzari hai makan tak na hua

jis ke hone pe na hone ka guman hota hai
wahi guldasta-e-jaan sarf-e-khizan tak na hua

main ne duniya teri takhliq pe socha tha bahut
raaz-e-gum-gashta-e-mahbub ayan tak na hua

bas ki ab khatm hua silsila-e-soz-o-gudaz
dil mera jal bhi gaya aur dhuan tak na hua

zindagi harf-e-fana ke liye tahrik 'qamar'
ruh baqi rahi aur koi ziyan tak na hua