masarrat ke lamhat kam dekhte hain zamane ki aankhon mein gham dekhte hain ye kis ki hai aamad shagufta faza hai bahaaron ka har-su karam dekhte hain mitaya hai jis ne mohabbat mein khud ko hum us ka hi naqsh-e-qadam dekhte hain ukhuwwat mohabbat na hi bhai-chaara yahan bhai bhai ko kam dekhte hain sikhae hain jis ne tabassum takallum ab un par musallat sitam dekhte hain ye mahfil sajai thi jis ke liye kyon use hi yahan par adam dekhte hain ye eazaz hai kya mohabbat ka 'sarim' mohabbat ki aankhon ko nam dekhte hain