maut hai zindagi zindagi maut hai har-nafas maut hai har ghadi maut hai main andheron mein kho jaun mumkin nahin ek parwane ki raushni maut hai is liye shad rahta hun har haal mein mere dushman ko meri khushi maut hai koi talwar khanjar na tir-o-tabar hurmula ke liye ek hansi maut hai khamushi aaqilon ki hai khubi magar baz auqat par khamushi maut hai sabiron ke liye har taraf hai hayat zalimon ke liye maut hi maut hai ek kadwi haqiqat kahen aur kahen shahd se bhi siwa chashni maut hai qaid-e-ghurbat se 'arif' nikal jaiye hai khabar aap ko muflisi maut hai