mayus zindagi ke sahaare chale gae
thukra ke hum ko dost hamare chale gae

ummid-o-arzu ki bahaaron ke sath sath
gulzar-e-zindagi ke nazare chale gae

har manzil-e-hayat pe un ko kiya talash
har rah mein hum un ko pukare chale gae

raushan thi jin se meri shab-e-zindagi nadim
jaane kahan wo chand sitare chale gae

us bewafa ki yaad ke mitte hue nuqush
'nayyar' hum apne dil mein utare chale gae