mera dard-e-nihan hai aur main hun nishat-e-jawedan hai aur main hun mohabbat jo kabhi aaram-jaan thi wahi ab nish-e-jaan hai aur main hun ye jalwon ki farawani ka aalam nigah-e-be-zaban hai aur main hun mera afsana ab mera nahin hai hadis-e-digaran hai aur main hun hun mahw-e-husn-e-poshida pas-e-gul bahaar-e-be-khizan hai aur main hun khirad mere junun par hans rahi hai talash-e-be-nishan hai aur main hun