mere gham ka asar zara na hua ye to patthar hua khuda na hua dekh lo aaj aa ke bismil ko kaun jaane ye kal hua na hua tark-e-ulfat ka ek hi gham hai ye irada bhi der-pa na hua tirchhi chitwan utar gai dil mein tir kaj tha magar khata na hua jazba-e-shauq ho gaya dushman mujh se izhaar-e-muddaa na hua waqf-e-gardish hun surat-e-parkar dur markaz ka fasla na hua lauh-e-hasti se kyon mitate ho main kabhi harf-e-muddaa na hua