mera diwana-pan farzangi se kam nahin hota ki main rota hun pahron aur daman nam nahin hota tera gham sahne wale par zamana muskuraata hai magar har shakhs ki qismat mein tera gham nahin hota mah-o-khurshid ki tabindagi kam hoti rahti hai magar dagh-e-tamanna ka ujala kam nahin hota abhi ai josh-e-girya tu ne ye socha nahin shayad mohabbat ka chaman minnat-e-kash-e-shabnam nahin hota qayamat tak rahe saqi salamat tera mai-khana pilai hai kuchh aisi kaif jis ka kam nahin hota waqar-e-ishq par us daur se bhi harf aata hai 'aziz-warsi' wo dard jo paiham nahin hota