mera mazi mujh se kata nahin mera haal mujh se juda kiya mujhe noch lene ke shauq ne tujhe kitna wahshi bana diya mere zikr pe rahi kajrawi mujhe ahl-e-mahfil bata rahe kabhi mangta tha duaon mein wahi nam us ne bhula diya main jo ek ahd se qafas mein tha to ye than kar main riha hua kahin koi pinjra dikha mujhe to har ek parinda uda diya mujhe ek faqir ne kah diya tere dil ki puri murad ho so teri talash mein ek din tera naqsh main ne mita diya teri sab dalilon ke bawajud mera jurm sabit na ho saka tera man rakhne ko yun kiya ki tujhe hi munsif bana diya