mere dil ko supurd-e-gham na karna mere ehsas par patthar na dharna mere jine ki apni hi ada hai mujhe malum hai hans hans ke marna meri sanson mein bhi kuchh zahar sa hai mere nazdik se bach kar guzarna mujhe apnon ne wo dhoke diye hain mujhe aata nahin ghairon se darna wafa ki aad mein luta gaya hun bahut mushkil hai ab mera sanwarna mere ujde hue gulshan ke phulo meri barbaadiyon ka gham na karna