mere mizaj ko suraj se jodta kyun hai
main dhup hun mujhe nahaq sikodta kyun hai

agar ye sach hai ki tu mera khwab hai to bata
ki aankh lagte hi mujh ko jhinjhodta kyun hai

udhar bhi tu hai idhar bhi jo sirf tu hi hai
to phir ye bich ki diwar todta kyun hai

main tere wade ko jab aansuon se dhoti hun
har ek lafz tera rang chhodta kyun hai

magar ye dil hai ki kya jaane teri baaton se
tarah tarah ke bahane nichodta kyun hai