mere shuur ko is tarah warghalaya gaya koi wajud nahin tha magar dikhaya gaya kisi tarah bhi na aaseb-e-muflisi utra dua bhi ki gai tawiz bhi pilaya gaya na jaane kyon meri tashkil hi nahin ki gai zamin ka chaak yunhi be-sabab ghumaya gaya mujhe khabar hai chhanake se tut jaega main aaine ko agar der tak dikhaya gaya na jaane pichhle janam kaun si khata hui thi ki is janam mein mujhe aadmi banaya gaya