meri rahon mein tere naqsh-e-qadam rahne de mujh pe lillah mahz itna karam rahne de tute dipak ko hata mat tu mere aage se meri nazron ko ujale ka bharam rahne de aks apna koi dekhe hai mere ashkon mein aur kuchh der meri aankhon ko nam rahne de shair-e-waqt haqiqat mein wahi hota hai apne sheron mein jo dushwariyan kam rahne de wo na bhule se bhi dekhenge tujhe ai 'wahid' un ki nazron se ye umid-e-karam rahne de