meri ruh tan se juda ho gai
kisi ne na jaana ki kya ho gai

bahut dukhtar-e-raz thi rangin-mizaj
nazar milte hi aashna ho gai

mariz-e-mohabbat tera mar gaya
khuda ki taraf se dawa ho gai

buton ko mohabbat na hoti meri
khuda ka karam ho gaya ho gai

ishaara kiya baithne ka mujhe
'inayat ki aaj intiha ho gai

ye thi qimat-e-rizq tute jo dant
gharaz kaudi-kaudi ada ho gai

dawa kya ki waqt-e-du’a bhi nahin
teri haalat 'akbar' ye kya ho gai