mesmerism ke 'amal mein dahr ab mashghul hai
maghrib-o-mashriq mein ek ‘amil hai ek ma’mul hai

jism-o-jaan kaise ki ‘aqlon mein taghayyur ho chala
tha jo makruh ab pasandida hai aur maqbul hai

matla'-e-anwar-e-mashriq se hai khilqat be-khabar
mustanad partaw wo hai maghrib se jo manqul hai

gulshan-e-millat mein pamali sar-afraazi hai ab
jo khizan-dida hai barg apni nazar mein phul hai

koi markaz hi nahin paida ho phir kyunkar muhit
jhol hai pechidgi hai abtari hai bhul hai