meri tanhai bantte hain waraq
hath ka lams mangte hain waraq

main ki khamosh padhne lagti hun
kuchh na kuchh jaise bolte hain waraq

ho chuka hai jo ilm ab nayab
aur jo phailega jaante hain waraq

sochta hai ye zehn kya kya kuchh
be-sabab hum ulat rahe hain waraq

hosh-mandi se diary likhna
donon jaanib se dekhte hain waraq

ruh ko do-jahan ki rahat den
rehl par rahbar rakhen hain waraq