mila raha hun tera husn kaenat ke sath
physics khol ke baitha hun diniyat ke sath

ye poster to bhala hai magar padhe-likkho
zara sa dil bhi to rakkho qalam dawat ke sath

ye ishq ek diya har taraf dikhata hai
main ji raha hun tawatur se mojazat ke sath

bahut qadim nahin kal ka waqia hai ye
main is zamin pe utra tha teri zat ke sath

guzar raha hun kisi dil-nashin sarae se
mila raha hun main khwabon ko waqiat ke sath