mile hain pyar ke lamhe to un mein kho jaen nasib jag raha hai to aao so jaen sar-e-bahisht ghazal kausar-e-mohabbat mein utho ki qarz ada tishnagi ke ho jaen ye ashk ashk guhar raegan na jaenge jo un ko sher ki ladiyon mein hum piro jaen bahaar ho ki khizan kar-gah-e-hasti mein unhen kisi se gharaz kya jo tere ho jaen chaman nasib zamana karega yaad hamein zamin-e-sher mein 'sahba' khayal bo jaen