milo ki baad mein shayad ye silsila na rahe ye rang-o-gul na rahen sohbat-e-saba na rahe qarib-tar hai wo ahd-e-ziyan-nasib ki jab bashar bashar na rahe aur khuda khuda na rahe wahan bhi rah bujhati hai apne lafz ki lau charagh-e-chashm jahan gul ho rasta na rahe safar mein chand marahil kade pade hain to kya hamein junun tha ki rasta bujha bujha na rahe hamare nam pe ghunghat utha nigar-e-salib hamare sar pe tera koi bhi gila na rahe