mitti ke alawa hain kahan hum se kahin aur
aflak-nashin aur hain hum khak-nashin aur

ye kis ki sarae hai shab-o-roz jahan se
ek jae musafir to ek aa jae makin aur

tujh husn-e-mukammal mein qayamat ki kashish hai
yusuf to hazaron hain magar tujh sa nahin aur

main jaan ki bazi bhi laga dun ai zamane
gar dhund ke la de to mohammad sa amin aur

'rajas' ki tabiat pe ajab tera asar hai
rahta hun kahin aur main hota hun kahin aur