mohabbat ka hasin ehsas ho tum
ghanimat hai ki mere pas ho tum

ye kis ki yaad ne dil ko dukhaya
bhari mahfil mein mahw-e-yas ho tum

na jaane kis ki qismat mein likhe ho
na jaane kis ke dil ki aas ho tum

mere dil ke nihan-khane mein dekho
mere masum dil ki pyas ho tum

tasawwur ko khuda aabaad rakhe
ye lagta hai ki mere pas ho tum

main khushbu-e-badan se 'ashna' hun
mere sukhe labon ki pyas ho tum