mohabbat mein kahan aasudgi mahsus hoti hai ye wo mai hai ki pi kar tishnagi mahsus hoti hai bhadak uthte hain shoale sozish-e-paiham se sine mein kahin phir ja ke aankhon mein nami mahsus hoti hai na hon jab tak farozan shamen ashkon ki sar-e-mizhgan kahan ai dost dil mein raushni mahsus hoti hai tabiat khugar-e-ranj-o-alam hai is qadar 'athar' ki ab apni hansi bhi ajnabi mahsus hoti hai