mohabbat mein wafa walon ko kab iza satati hai

mohabbat mein wafa walon ko kab iza satati hai
ye wo hain jin ko suli par bhi chadh kar nind aati hai

junun-e-ishq ki manzil se waqif hi nahin koi
hamari chaak-damani pe duniya muskuraati hai

masafat rah-e-ulfat ki nahin aasan dil-e-nadan
mohabbat har qadam par sainkdon fitne uthati hai

khuda malum kab parda uthega did kab hogi
nigahon se jo ojhal hai usi ki yaad aati hai

bahata hun kabhi aansu kabhi phirta hun main wapas
mohabbat ki khalish aisa shab-e-gham mein satati hai

mite par bhi wahi hai rahnumai ka asar is mein
musafir ko hamari khak bhi satta batati hai

zamane ko adam aabaad mein ek roz aana hai
suno shahr-e-khamoshan se yahi aawaz aati hai

utha parda to ab dekha nahin jata qayamat hai
meri nakaamiyon par wo tajalli muskuraati hai


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close