mujhe bhi jine ka ehsas ab zara ho jae
kabhi nikal lo fursat to ratjaga ho jae

na aarzu na khalish kuchh nahin kisi dil mein
nigah bhar ke jise dekh lo tera ho jae

rahe jo dur to kya kya shararten us ki
kabhi qarib se guzre to dusra ho jae

mera na ho na sahi mere ru-ba-ru to rahe
wajud mera kisi taur aaina ho jae

mere usul meri rah rok lete hain
ojab nahin ki chalun aur rasta ho jae