mujhe malal mein rakhna khushi tumhaari thi
magar main khush hun ki wabastagi tumhaari thi

bichhad ke tum se khizan ho gae to ye jaana
hamare husn mein sab dilkashi tumhaari thi

ba-nam-e-shart-e-mohabbat ye ashk bahne do
hamein khabar hai ki jo bebasi tumhaari thi

wo sirf main to nahin tha jo hijr mein roya
wo kaifiyat jo meri thi wahi tumhaari thi

gila nahin ki mere haal par hansi duniya
gila to ye hai ki pahli hansi tumhaari thi