mujhe pahle to lagta tha ki zati masala hai
main phir samjha mohabbat kaenati masala hai

parinde qaid hain tum chahchahahat chahte ho
tumhein to achchha-khasa nafsiyati masala hai

hamein thoda junun darkar hai thoda sukun bhi
hamari nasl mein ek jiniyati masala hai

badi mushkil hai bante silsilon mein ye tawaqquf
hamare rabton ki be-sabaati masala hai

wo kahte hain ki jo hoga wo aage ja ke hoga
to ye duniya bhi koi tajrabaati masala hai

hamara wasl bhi tha ittifaqi masala tha
hamara hijr bhi hai hadsati masala hai