mujh ko bhi us se ishq tha ulfat ghazab ki thi us ko bhi mujh haqir se chahat ghazab ki thi wo ladki jo nasib pe roti thi raat bhar galiyon mein us ke husn ki shohrat ghazab ki thi hanste hue labon ko wo halke se katna wallah us hasin ki aadat ghazab ki thi jaane se us ke bagh mein aalam khizan ka tha sukhe gulon mein qaid wo wahshat ghazab ki thi khanjar raqib ka tha to tadbir dost ki maqtal mein 'zoya' yar ki shirkat ghazab ki thi