mujh ko jine se faeda bhi nahin
aur phir marzi-e-khuda bhi nahin

nahin malum kya main kahta hun
tum nahin ho to kya khuda bhi nahin

maut ab zindagi bhi hai mujh ko
jab mere dard ki dawa bhi nahin

sar-e-baalin wo muskuraate hain
meri taqdir mein shifa bhi nahin

jhilmilata hai subah ka tara
ab to jine ka aasra bhi nahin

dar-e-dildar paun kiya 'jawed'
kahin do-chaar naqsh-e-pa bhi nahin