mujh se aankhen lada raha hai koi
mere dil mein sama raha hai koi

hai teri tarah roz rahon mein
mujh se tujh ko chhuda raha hai koi

phir hue hain qadam ye man man ke
pas apne bula raha hai koi

niklun har rah se usi ki taraf
raste wo bata raha hai koi

kya nikal jaun ahd-e-mazi se
yaad bachpan dila raha hai koi

phir se ulfat nahin hai aasan kuchh
bhule naghme suna raha hai koi

dhadkanen tez hoti jati hain
mere nazdik aa raha hai koi

wo jo kahta hai bhul jaun khalish
waqt us par kada raha hai koi