munh pe khata hai ye is tarah se talwar ki bas
dil mera ishq mein aisa hai jigar-dar ki bas

naza mein dekh mujhe yar jhijak kar bola
kya buri tarah se marta hai ye bimar ki bas

aap ko bech ke yusuf ne zulekha ko liya
kya kharidar ne paya hai kharidar ki bas

is jhadi seti kahin gir na pade baam-e-falak
is tarah rote hain tujh bin dar-o-diwar ki bas

ishq ke dar-e-shifa mein mujhe le chal tu 'yaqin'
ki tabibon ne diya is qadar aazar ki bas