muntazir apne liye bhi jo khule dar hote hum bhi auron ki tarah raat gae ghar hote sar jhukane ka maraz phail gaya har jaanib warna is shahr mein kuchh log qad-awar hote us se pahle nahin guzra hun yahan se shayad aisa hota to phir is rah mein patthar hote raste kat diye hum ne khud apne hathon warna kya jaaniye hum aaj kahan par hote jism ke sae se andaza-e-qamat na karo jism ke sae nahin qad ke barabar hote