mustaqil hijr ke asbab liye baithe hain qissa-e-hir ko ahbab liye baithe hain kar gae kuch kahin dur ke deson panchhi aur hum ganw mein talab liye baithe hain kash wo shokh kabhi bakhshe hamein izn-e-qubul hum rah-e-shauq mein ijab liye baithe hain be-libasi ke talazzuz mein pujari nachen dewte hathon mein kamkhab liye baithe hain dil ke dariya pe kiya ret ne qabza 'asif' aankh ke dasht ko sailab liye baithe hain