na apni baat na mera qusur likkha tha
shikayaton se bhara khat zarur likkha tha

rasul aae to dahshat-garon ke beach aae
andheri raat ki qismat mein nur likha tha

main chahta bhi jo milna to un se kya milta
jabin pe dur se dekha ghurur likkha tha

wo ghar ki jis mein kisi ko kisi se uns nahin
bade se board pe dar-us-surur likkha tha

'naqib' ko thi faqat surkhiyon se dilchaspi
jo muddaa tha wo bainassutur likkha tha