na jaane kal hon kahan sath ab hawa ke hain
ki hum parinde maqamat-e-gum-shuda ke hain

sitam ye dekh ki khud mo'tabar nahin wo nigah
ki jis nigah mein hum mustahiq saza ke hain

qadam qadam pe kahe hai ye ji ki laut chalo
tamam marhale dushwar-e-intiha ke hain

fasil-e-shab se ajab jhankte hue chehre
kiran kiran ke hain pyase hawa hawa ke hain

kahin se aai hai 'bani' koi khabar shayad
ye tairte hue sae kisi sada ke hain