na rona rah gaya baqi na hansna rah gaya baqi ek apne aap par aawaze kasna rah gaya baqi hamari khud-faramoshi ye duniya jaan jaegi zara sa aur is daldal mein dhansna rah gaya baqi hawas ke nag ne din raat rakkha apne changul mein bahut khela hamare tan se dasna rah gaya baqi kisi ke pyar ka qissa adhura chhod aae hum ulajhna khud se aur har dam tarasna rah gaya baqi kisi ko rashk aae kyun na qismat par hamari ab ujad aae hain har jaanib se basna rah gaya baqi kisi ki aankh ne khwab-e-tahayyur tan rakkha hai 'nawed' us dam-e-yaktai mein phansna rah gaya baqi