nazakat mohabbat ka gham kha rahi hai mohabbat mohabbat hui ja rahi hai tumhaari nazar ke hasin mai-kadon mein urus-e-kharabaat ithla rahi hai nazar kya ladi ek khandan nazar se jawani tabassum bani ja rahi hai tasawwur ke hathon mein de kar khilaune jawani mohabbat ko bahla rahi hai ye kya baat hai ajnabi ankhdiyon se koi jaani-bujhi sada aa rahi hai na phulon ki rut hai na kaliyon ka mausam magar bulbul-e-be-nawa ga rahi hai ye 'altaf' kaun aa gaya waqt-e-akhir qaza narm-o-shirin hui ja rahi hai