nikhat-o-nur ka saman hoga
us ka charcha jahan-jahan hoga

wo jahan bhi ho aasman hoga
ye na puchho kahan kahan hoga

be-zamiri ka raaz agar kholun
us ka chehra dhuan dhuan hoga

jaan-o-dil se main chahta hun jise
mujh se kya wo bhi bad-guman ho ga

mausam-e-nafrat-o-tassub hai
ab to gulshan ye be-nishan hoga

kya abhi aur zakhm khane hain
kya abhi aur imtihan hoga

dha raha hai jo 'dagh' zulm-o-sitam
ek din wo bhi mehrban hoga