takht-o-taj aur na kuchh mal-o-zar chahiye
mujh ko to sirf us ki khabar chahiye

dhup aangan se jati nahin hai kabhi
sae ke waste ek shajar chahiye

dar-ba-dar thokaren kha ke aaya hun main
mere sar ko tera sang-e-dar chahiye

tod de jo qafas ki sabhi tiliyan
mujh ko wo quwwat-e-baal-o-par chahiye

jin ki raaten guzarti hain zer-e-falak
un ko bhi shahr mein koi ghar chahiye

naqsh-e-gham jo mita de dil-e-zar ka
'dagh' ko wo karam ki nazar chahiye