nizam-e-zar ka ye behuda jal tha hi nahin
hamari potli mein aisa mal tha hi nahin

hazar suraten dekhi thin ek surat mein
gham-e-zamana hamara wabaal tha hi nahin

chale hi chalte the ek raushni ki rau mein kahin
safar-nawardi kuchh aisa kamal tha hi nahin

baras raha tha makanon pe abr zoron ka
magar ye dil ki sire se nihaal tha hi nahin

shaben yunhi kisi khal-e-dahan mein katte the
junun karne ka koi khayal tha hi nahin

magar zamana rag-o-pai mein se guzarta hai
ki ab ki bar wo apni misal tha hi nahin